Ter a sorte de que o teu nome atravese o tempo por séculos, e aínda milenios, adoita depender da transcendencia dos teus actos como home de estado ou pensador influínte. Entremedias cóase algunha muller que, dentro desa caste de homes poderosos, destacaron dalgunha maneira entre os «feitos asombrosos» dos antigos. Mais, ao carón desa Historia de manuais universitarios, está a dos homes que nunca destacaron e tamén a das mulleres que, nalgún tempo, nin sequera tiveron dereito a ter nome propio, sendo relegadas a un lugar aínda inferior ao dos seus compañeiros de vida.
Pois naquel tempo de mulleres ensombrecidas, silenciadas e negadas ata o extremo da anonimia, xorden as primeiras referencias escritas aos habitantes da actual cidade da Coruña, cando esa cidade con nome de muller aínda non se chamaba así, e cando ter algunha posibilidade de transcender pasaba por estar morta…
- Lugar: UNED A Coruña
- Fecha y hora: 10 de febrero de 2026
- De 19:00 a 20:30 h.
- Evento difundido a través de la Plataforma AVIP que recibe el soporte técnico de INTECCA
- Más información.
